ان شاء الله انها ترقى للذائقه
,
,
قال الوادع وقلت مافيه داعي
ترا الوداع اكبر مصيبه للاحباب
بيني وبينك لاتضيع المساعي
قطع الوصال اشد من قطع الارقاب
تراك غالي والغلا مايباعي
في ذمتي مايعرف العشق كذاب
الي ضرب عرض الفجوج الوساعي
والي كتب بالدمع قصتك بسهاب
والي علشانك قضى الليل واعي
مايحتمل كلمة زعل منك وعتاب
وشلون لو صارت فراق وداعي
وفراق بعده تنطوي صفحة كتاب
وتروح كل احلامنا في ضياعي
من بعد ماكانت على راس مرقاب
تعال ندعس فوق روس الافعاعي
الي تخبي سمٌها تحت الانياب
قدام لاتسقط حصون القلاعي
وتصير دولتنا تحت حكم الارهاب
النار في قلبي تزيد اندلاعي
وانته مقفل دوننا كل الابواب
طول الزمان أقول أمرك مطاعي
واليوم اشوفك معلن ٍ حالة اضراب
ترا المشاكل ماتحل بنزاعي
ماضاع حق ومن ورى الحق طلاٌب
للصلح انا يازين فاتح ذراعي
مافات مات ومانبي ذكر الاسباب
هذي طبوعي وانت تعرف طباعي
فيك الرجا ماخاب والظن ماخاب
لابد ماترجع وتنسى الوداعي
لن كان تبغانا نبادلك الاعجاب
مما راق لــي
