من الشمعة اللي أنطفت

من الشمعة اللي أنطفـــــت أنا أرحل
الشمعــــــــة اللي بضيها حبنـــــا كبر

أسولف عن الشوق اللــي ذاب وأفل
واللي داخــــــل قلبي جـــــف وانكسر

ماظل بجفني للكــــــرى وطن ومحل
قلق اللهيب يعصف بــي انين وسهر

مابقي للحب اثر ولا لحظـــات الأمل
أنثنى غصنه وغــــرق بساحل الكدر

تعبني جـــــرح خوفــــي أنا مايندمل
والمحبة غشاها فـــــوح اللظى المر

والوليف بعيــــــد ولا همه ولا سئل
شايف عنى قلبــــي والأرق والصبر

عن عذابـــي يدري والعين وماتهل
دمع حرق دروب الوجنــــة والزهر

مااظن الغرام ينبت شـــــــذاه ويطل
تعزفني أطلاله بين الهمــوم والقهر

ياهوى الحبيب ويــن الود والوصل
ذبلت بعنادك أجمل السنيـــن والعمر

أحلى أمسيات الدفى والبرد والعسل
ياما سافرنا حتى مــــــل مننا السفر

وآه من الدلال اللي أنطـــوى وتبدل
سهاد وجفى والغالي نكــرني وتغير

العاشق اللي كان حسنه كله مكتمل
هام بنبضي وبسفينه جــدّف وابحر

سلب مني الروح ونهب كــل العقل
علقت بسجنه وهويت حديــد الأسر

كنت أنسى معاه العالــم وكل الأهل
سيد البيض وتاج الحلويـــن السمر

من شفته وأنا في محيــــــاه أحتفل
وبين الجوانح رسى الولــه وأستقر

وآخرهذا الود ياحسافة كـــان القتل
والخيانة والغدر مــن أقــرب البشر

أحوق آهات اللي لحياتي أنا حصل
أرحل غريب مابين حزنـي والهجر

********