بسم الله الرحمن الرحيم
اليوم نتكلم عن قصه واقعيه حصلت بالفعل..
ودي اتكلم باللغه الفصحى لكن اللغه العاميه عندي احسن..واحس تشوق..
عن ام عندها ثلاث بنات وثلاث اولاد المهم كانت تدلعهم وتعطيهم اي شيء كانو يبونه او يتمنونه ومرت الايام وكبرو البنات والاولاد وتزوجو البنات والاولاد المهم من فترة لفترة كانو عيالها يزورون امهم وابوهم وبعده عده ايام الاب ترقد في العنايه المركزة والاولاد لاهين مع زوجاتهم وعيالهم والبنات متجهين للاب في المستشفى والبنات كانو بارين في الاب والام غير الاولاد مايشوفون امهم وابوهم نقول بالشهر مرتين المهم والاب بين الحياه والموت كان ينطق بأسم وحده من بناته وكان ينطق اسمها بلهف وشوق يبي يشوفها والبنات اتصلو بأختهم وقالو لها ترى ابوي يبيك وماينطق الاااسمك اتجهت بنته الى المستشفى لترى ابيها وكانت تبكي بشده وكان ابيها يتمسك بيدها ويقول لها لقد كنتي بارة فيني من يوم تزوجتي ماتركتيني ولالحظه انتي الوحيده اللي كنتي تزوريني يوميا وتعطيني الدواء بنفسك وانا الحين اقولك نعم لقد ربيت ابنتي تربيه صالحه واتمنى ان تبري امك ثم امك ثم امك فأنا راض عليك
وتكلم مع بناته الاخريات وقال اني راض عليكم ايضا وقال وين عيالي مااشوفهم وين عيالي وبعد لحظات دخلو عياله وحضنو ابوهم وقامو يبكون واللي يقول يبى سامحني تكلم الاب بعد لحظات وقال امكم ثم امكم ثم امكم وسكت فجأة وتكلمت ابته الصغرى قالت اشهد ان لااله الاالله وان محمد رسول الله شهق ونطق الشهاده ومات..رحمه الله عليه
وبعد ايام وموت الاب جلست الام في البيت لوحدها هي وشغالتها لاونيس معها ماغير الراديوو وبناتها يزوون في الشهر مرة او مرتين عشان بيوتهم في مناطق ثانيه اما بنتها كانت ملازمتها اللي كانت بارة في ابوها وقالت يمه شرايك تجين عندي في البيت ولاجلستك لوحدك قالت لايبنيتي مااخذ راحتي الافي بيتي بعد موت الغالي وحاولت لكن مافي امل الام مصرة بعدها بأيام جاء الولد الكبير وقال يمه امشي معي بيتي بعيشك احسن عيشه وتجلسين مع احفادك وتلاعبينهم بلا الجلسه بالبيت اللي يضيق الصدر وماعندك ونيس الام فرحت وقالت يالله ياوليدي وراحت الام مع ولدها وحط لها غرفه مع دورة مياها وجلست الام في البيت لكن كانت تعتصر الم وعذاب تدرون ليش للاسف ماعرفت تختار زوجه لولدها كانت زوجه ولدها كانت تطول لسانها وتحاسبها على الاكل والشرب وكانت تعذبها ولاتوريها عيالها بعد ايام جاء الولد يعني مايجي يشوف امه وهو معها في البيت الا في الاسبوع مره او مرتين بس وجاء الولد عند امه قال يمه عسى مرتاحه ومبسوطه قالت الحمدالله بخير ماتبي تشكي لولدها عشان ماتسبب مشاكل<<هذا قلب الام..المهم جاء يوم الاربعاء وجاو البنات بيت اخوهم عشان يشوفون امهم قابلتهم زوجه اخوهم وقالت لهم امكم نايمه وانا مشغوله بطلع يعني طرده..طلعو البنات من بيت اخوهم وراحو بيت اخوهم الثاني وجلسو عنده وتقهو ونامو عنده يوم اصبحو الصبح رجعو لبيت اخوهم الصبح وعلى طول راحو غرفت امهم وسلمو عليها وقالو يمه ترى امس جيناك بس مرة اخوي قالت انك نايمه قالت انا انا قالت يمه مضايقه ترى وجهك مايبشر بالخير قالت الام انا بخير والحمدالله وراحو والبنات يفكرون انهم ينقلون لنفس المدينه عشان امهم وهم وعدو ابوهم انهم يبرون بامهم واتفقو وشرو البيت وقامو يعدلونه ويزينونه المهم الجده اللي هي الام جات وراحت المطبخ وقابلتها مرة ولدها وقالت لها خير ان شاء الله اشوفك من مرة لمرة تحدرين مطبخي عندك المطاعم وفلوسك بتخلصين الاكل علينا..نزلت راسها وراحت غرفتها وجاتها مرة ولدها وجلست عندها قالت تبن شيء انا بروح انام قالت ابي اشوف عيالك اللي هم احفادي قالت والله مشغولين وراهم دراسه ومرت الايام وع هذا الحال الين جاء اليوم اللي ماتحملت فيه الزوجه ودخلت غرفه ام زوجها واخذت ملابسها وكرسيها وكل شيء يخصها وقطته برى البيت وقالت قومي ترى بيتي يتعذرك ومسكت الشغاله ودزتها قالت برى ترى بيتي يتعذرك انتي وشغالتك وبناتك وطلعت الام من بيت ولدها وراحت بيت ولدها الثاني اللي حاط لها شقه من غرفه نوم لها وثلاث غرف نوم لبناتها اذا جوها ومطبخ وبرفيها وجاء عند امه قال ايش السالفه قالت زهقت وجيتك والشغاله كانت تبكي في المطبخ مر ولدها وشافها وقالت له القصه كلها الولد انجن راح اتصل بأخوة وعلمه السالفه وقال انا راجع الحين للبلد وكلم خواته وقالهم عن المشكله..
رجع الولد من شغله الهام وعصب على زوجته وعطاها كلام يسم البدن وطلع يشوف امه ولاقى خواته مجتمعين وخوانه والبنات بعدها قالو لااخوهم امك او زوجتك قال اكيد امي قال طيب اكيد طلقتها قال لا لاتنسون عندي عيال وماظن ان امي بترضى ان عيالي يتشردون ردت الام رح لزوجتك انا عندي ولدي وبجلس عنده لااخر يوم بحياتي حاول يرجع امه بس رفضت..والان الام عايشه عند ولدها الصغير بحب واحترام وتشوف بناتها من فترة لفترة وتشوف بنتها اللي كانت بارة فيها وفي ابوها كل يوم وهي مبسوطه ومرتاحه اما بناتها جاهم فترة سحبو ع اخوهم ومايكلموة بسبب تعامل زوجته مع امهم..ومرت الايام تصالحوو مع اخوهم بس اللي باقي انهم شايلين بحقد وكره على مرة اخوهم بسبب تعاملهم مع الام..
وانتهت القصه
اللي استفدته من هالقصه..
اولا الام ثم الام ثم الام عدم رفع الصوت عليها ونعاملها بحب واحترام وندلعها كما كانت تدلعنا يوم صغرنا وكبرنا..
ثانيا المفروض الولد يعطي نبذه عن امه عند زوجته عشان ماتتجرا وتعذبها..
ثالثا الدنيا دوارة وراح يجي اليوم اللي عيالك يرمونك فيه مثل مارميت امك
رابعا الجنه تحت اقدام الامهات
خامسا بر الوالدين
سادسا ابتسم في وجه امك وابيك ولاتعبس في وجههما
سابعا ان لانبخل بالنفقه على والدينا,,
ثامنا نكثر الزيارة لهما من وقت لحين وتقديم الاكلات المحببه لهما
تاسعا ان دعوة الوالدين مستجابه فلا تغضبهما ولاتنهرهما
ولدي الكثير من الكلمات ولكن اكتفيت بهذه..
وحتى العقوق يعجل عقابه في الدنيا قبل الآخرة..
قال صلى الله عليه وسلم: (كل الذنوب يؤخِّر الله منها ما شاء إلى يوم القيامة إلا عقوق الوالدين، فإن الله يعجله لصاحبه في الحياة قبل الممات)
عن عبد الله بن عمرو رضي الله عنهما أن النبي صلى الله عليه وسلم قال: ((رضى الرب في رضى الوالد، وسخط الرب في سخط الوالد)) [رواه الترمذي وصححه ابن حبان].
اللي عجبته القصه الرجاء ثم الرجاء يقوول منقووول,,
في انتظار ارائكم
مبدعكم دائما
